Өлеңдер ✍️

Тасы өрлеген заманда майлы асықтың,
Жалғандықты жеңеді айқасып кім?
«Жоқтан» өзге қайтасың сөз есітпей,
Барсаң да ылғи алдына қай бастықтың.
Көкжал қасқыр секілді сақылдаған,
Нарық мынау – жұртыңды тақымдаған.
Басшылардың, ендеше, қажеті не?
«Жоқ» дегенде таңдайы тақылдаған.
Тұғырынан тайдырған көп тұлғаны,
Көмейінде белгілі оқ тұрғаны.
«Жоқтан» өзге неге олар сөз айтпайды,
Жүрмесе егер еліңді жоқ қылғалы?!