👈 қаріп өлшемі 👉

  03.04.2022
  80


Автор: Абдрахман Асылбек

Тұсаукесер

Былтырғыдан, балдырған,
Қалдың біраз есейіп.
Жарылқасын алдыңнан,
Тұсауыңды кесейік.
Тұсаукесер – ежелгі
Дәстүр-салты халқыңның.
Адымда да тез енді,
Алға қарай талпынғын.
Алаңдама жетекке,
Қалдың, қалқам, есейіп.
Оралма енді етекке,
Тұсауыңды кесейік.
Бар баланы жинайық,
Жаяу жарыс жасайық.
Көршілерді сыйлайық,
Шай қойып, ет асайық.
Қосыларсың қатарға,
Адам болсаң есейіп.
Аттан ұлы сапарға,
Тұсауыңды кесейік.
Арман қуып самғасаң,
Сан өткелден өтерсің.
Талпынудан талмасаң,
Мұратыңа жетерсің.


 


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы