Өлеңдер ✍️

...Көкті кезген олардың да көп қамы,
Вокзалдағы қарбалас, шу жоқ тағы.
Көлденеңдеп жатқан мынау торап та,
Салып қойған сияқты жол соқпағы.
Қарап тұрсаң жырақ та емес, шалғай тым,
Әдеттегі емін-еркін шарлайтын,
Тиіп тұрған жер емес пе, тәйірі,
Электричка зыр еткізіп жалғайтын.
Десек-тағы шексіз Ресей жолдары,
Мың шақырым, сөз бе екен сол-дағы!
Аспанға жол салу жеңіл тиген жоқ,
Тұңғыш қадам – ең қиямет болғаны.
Долбарың да, оқ жонуың алғашқы,
Ойын емес, ойыңа ізгі жалғасты.
Қылдырықтай көкте жүзген кемелер,
Көңілді арбап, көзден таса қалмас-ты.
Жер тектес қой, жерден тегі таралған,
(Кемелер де түске енеді әр алуан!)
Кіндігіндей ал радиобайланыс, –
Жер – анадан нәр алған.