👈 қаріп өлшемі 👉

  20.02.2022
  39


Автор: Абдрахман Асылбек

Таңғы серуен

Таңертең жайланып,
Атыңа мінсең бір.
Аулыңның аймағын
Аралап жүрсең бір.
Таңды ерте атырған
Ақ селеу сақалды,
Қол бұлғап шақырған
Көресің атаңды.
Кілемін тоқыған
Шырқатып шат әнді,
Құлшынып отырған
Көресің апаңды.
Ауылдан жыраққа
Ұзаған бойда-ақ тым,
Келеді құлаққа
Үргені Мойнақтың.
Есіңнен кетер ме
Ұят іс еткенің:
Күшікті бекерге
Қалдырып кеткенің.
Содан соң Мойнаққа:
«Қуып жет,
Ер», – дейсің.
Атың тұр ойнақтап,
«Жарысып көр!» – дейсің.
Дөңгелеп маңайың,
Құйғытып шабасың.
Алтын күн арайын
Сен қарсы аласың!..


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы