Өлеңдер ✍️
Өлеңдер ✍️
08.02.2022
95
Құштарлық
Өмір тынбай барады алға басып,
Кешікпегін, көшке ілес, қалма адасып.
Менің ғашық жүрегім күнді сүйген,
Менің ғашық жүрегім таңға ғашық.
Қарай берме бұрылып артыңа, сен,
Жұлдызды шақ, ән болып жарқыра, сен!
Жібек жолы бойымен керней ұста,
Керуенге жүгіңді артып әсем.
Жібек жолы жіп болып тізіледі,
Қай нүктеде жібегі үзіледі?
Көлбеп ұшып барады көшін түзеп,
Түйелерге тиелген Сызық елі.
Әлеуметтік желілерде бөлісіңіз:
Facebook | VK | WhatsApp | Telegram | Twitter