Өлеңдер ✍️
Өлеңдер ✍️
20.11.2021
206
Антидепрессант
Ар ма досым,
Шертіп жүрсің қандай күй?
Қажытты ма мұң соңыңнан қалмай кей?
Мағынаны аңсадың ба? Ендеше
Өз отыңның алауына жанбай күй.
Сезіп тұрмын алай-дүлей тасыдың,
Кейде тулап кейде несін жасыдың,
Кейбір сəттер жараласа жаныңды,
Емдер əлі уақыт дейтін ғашығың.
Саған керек нəрлі көктем гүл алқап,
О ,қарашы құстар келед(і) тыраулап,
Адамдарға мұқтаж емес махаббат,
Махаббатсыз адам қалай жүре алмақ?!
Ия, ізгі жан,мен білетін үш нəрсе:
(Қуанамын сені демеп күш берсе)
Аппақ Арман ,үзілмейтін Үмітпен,
Соған Сенім- өңім дейтін түс көрсе.
Жаттанды сөз бірақ сондай айбынды,
Айбындының келешегі айқынды,
Сенші досым сен келгенсің өмірге,
Құшағыңа басу үшін ай- күнді!
Әлеуметтік желілерде бөлісіңіз:
Facebook | VK | WhatsApp | Telegram | Twitter