Әңгімелер ✍️

Күндердің күнінде жоғалып кеткен есегін іздеп жүрсе, алдынан бір құрдасы жолығыпты.

Қожанасыр оған:

— Менің есегімді көрдің бе? — деп, жоқ қарап жүргенін айтыпты.

— Иә, көрдім. Есегің мынау бір қаладағы мешітке сопылық міндетін өтеп жүр, — депті.

Сонда Қожанасыр:

— Дұрыс, дұрыс. Мен де оған жастайынан құлағына сыбырлап «сопы боларсың» деуші едім, — деп Қожанасыр есегін қайтып іздемей, құрдасымен бірге кете беріпті.