Өлеңдер ✍️

  13.06.2021
  83


Автор: Ілияс Жансүгіров

Тағы соған

Айнымай, қоспай дәл айтсам,
Жалғанда, сәулем, сұлусың.
Бет бітімді сұлу бар,
Туылса сендей туылсын.
Көкке біткен сұлу көп,
Сұлуда күннің нұрысың.
Жүрегім аяз, жаным мұз,
Жақында, саған жылынсын.
Жерден өнген сұлу көп,
Сұлуда соның гүлісің.
Дауа таппай жүр жаным,
Иіскейін, дерт үзілсін,
Кенде біткен асылдан,
Ақ алтынның. буысың,
Көлге біткен сұлу көп,
Сұлуда көлдің қуысың.
Көлінде көрін, жарқылда,
Кетейін суға қу үшін,
Таңға біткен таза көп,
Тазаның ағын суысың,
Күл, сарқыра, жарқыра,
Көңіл кірі жуылсын.
Көңіліме дерт, жаныма өрт,
Болған сенің тұрысың.
Арманым сен, дертім сен,
Сермедім қол, жетер ме.
Ұстар ма екен уысым.
Құшақтап еркін тиіскен.
Еріннен еркін сүйіскен.
Бал ішер ме екен, у ішім...


Мақала ұнаса, бөлісіңіз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз.
Жақсы