Тақпақтар ✍️

Алматы қаласындағы қыздар қазақ-түрік лицейі – еліміздегі
әйгілі лицейлердің бірі.
О, шәкірттер, балалар,
Ұстаздар, ата-аналар,
Таныс еді бұрында
Сегізінші «А» сынып.
Сонсоң таныстыруға
Келіп тұрмын асығып.
Ұласатын биге әні
Үш Әйгерім бар мұнда.
Үшеуі де ибалы,
Шеттерінен алғыр да.
Тамаша қыз Алайдар,
Өзі күйші, өзі ақын.
Тамсанып жүр талайлар,
Кім бар одан озатын?
Кулджибаева дегенде,
Шахматшы, физик де.
Бейім өзі өнерге,
Бар сабақтан үздік де.
Түрікшеге нән Сайын,
Салады ол сурет те.
Музыкада – ханша, айым,
Бөленіп жүр құрметке.
Алина ма?
Ол ұста,
Тіл дегенде жанып тұр.
Түрікше мен орысша,
Ағылшынша ағып тұр.
Атқарып жүр ауыр жүк
Данеля мен Фатима.
Суретші деп қанық жұрт
Бұлардың да атына.
Ал Айдана –
Физрук
Апамыздың оң қолы.
Жаттығуды қыздырып,
Қызық бұйрық бергені.
Бір Малика – географ,
Дауысы оның ғажап тым.
Шырқайтыны беріліп –
Дәстүрлі әні қазақтың.
Бір Малика білімге
Құштар, бестік алып жүр.
Ал ағылшын тіліне
Бар өнерін салып жүр.
Сыныпты ол әмірмен
Басқармайды, қыспайды.
Басқарып-ақ сабырмен,
Уысында ұстайды.
Екі тоқсан ал Ерке
Оқып қайтқан Лондонда.
 Ағылшынша
Нақ ерке
Шәкірт боп жүр ол мұнда.
Анел Килим – теннисші,
Көңілі оның қош күнде.
Оңайлықпен жеңісті
Берген емес ешкімге.
Ал Ажардың белгілі
Каратэші екені.
Болады деп ел гүлі,
Сынып мақтан етеді.
Аиданың нысаны –
Өсімдіктер әлемі.
Гүлге толып құшағы,
Сүйікті осы лицейін
Аяқтасын әуелі.
Сөз болып па озатқа
Университет сынағы?
Түсіп оқып,
Аз уақта
Биолог болып шығады.
Суретінен Камиля
Бақылайды түйе, атты.
Арманы оның –
Баға ма,
Зоолог болу сияқты.
Жан-жануар жүр ұнап,
Көрсе жайраң қағады.
Қыр-сырларын ұғып ап,
Сурет етіп салады.
Ал ақын қыз Ақерке
Биігіндей шынардың.
Көкке өрлеген әні ерте
Жас тілшісі «Ұланның».
Кім білсін кім боларын,
Музыкаға жаны сай
Арғымбекова Лоланың
Домбыраны қағысы-ай!
Тамсандырып сәніне
Күшті сынып бұл сынып.
Жақсы істің бәріне
Кіріседі құлшынып.