Өлеңдер ✍️

Сабат ауа, сазды жер жекен өскен,

Биыл қалай ауылы ерте көшкен?!

Сыңар кетті-ау, қосылып ән сала алмай,

Шыдам кетті-ау, шықпай тұр еркем естен.

Сарнайды кеп сарғайған зағыпыран,

Белес – тұман,

Ой – тұман,

Бәрі тұман.

Самғап ұшқан алысқа аққуым-ай,

Қалмадың ба айрылып бағытыңнан?!

Кінәлідей бас иіп тұрды шилер,

Жатыр небір тартылып мұңды күйлер.

Қуанғаным –

Сап-сары, дөп-дөңгелек

Күн суретін салыпты киіз үйлер!