Өлеңдер ✍️

Шақырады ой – көше,

Көз алдымда – қимылың,

Өзге біреу сөйлесе...

Сенің келіп сүйді үнің.

Түссе де ақыл араша,

Сезім сені аймалар.

Өзге біреу қараса...  

Өз көзіңе айналар.

Көрем сәнді гүлден мен,

Көркің – қайың, бұлақ та!

Өзге біреу күлгенмен,

Сенің күлкің – құлақта!

Сиқырладың ба әніңмен,

Жаулады ма мінезің?

Тұсадың ба жаныңмен,

Құшағымда – бір өзің?!

Өзің – арман аспаны,

Көңілге өзің төрлейтін.

Болдым сенен басқаны

Естімейтін,

Көрмейтін!