Өлеңдер ✍️

(әні бар)
Өзіңсіз-ақ өтті өмірдің мың күні,
Жатты менде бүршік жармай жыр гүлі.
Соншама жыл жалғыз сайрап келіпті-ау
Жыр аңсаған жүрегіңнің бұлбұлы!

Көзің талмай көкжиекке қарашы,
Жақын емес қос қаланың арасы.
Шөлдеп тұрған сезіміңмен өлшенер
Мөлдіреген махаббаттың бағасы!

Елекзиді байыз таппай құр жаның,
Кім біледі көкейіңде мұң барын...
Екеуміздің арамызды білем мен
Сағыныштың жібі жалғап тұрғанын.

Көрсетпеші мұңға тұнған жасыңды,
Иіскейін жел тараған шашыңды.
Сыр ақтарар сәтің келер бір күні
Иығыма сүйеп тұрып басыңды!
Астана қаласы.