Өлеңдер ✍️
Өлеңдер ✍️
10.02.2023
102
БЕЙІТ БАСЫНДА
Қалың қорым ішінде,
(Кім жатқанын кім білсін?)
Пәк періште пішінде,
Ойнап жүрді бүлдіршін.
Көк жусанның түбіне,
Көздің жасы тамады, ә...
Ағайынның бірі де,
Ұрыспады балаға.
Шошытпады жуық көр,
Былдырлайды тәтті тіл.
«Ажал деген суық қол»
Құлыншаққа жат пікір.
Қуыршағын жұптап ап,
Елемейді ол өзгені.
Қасіретке тік қарап,
Күлімдейді көздері.
Әлеуметтік желілерде бөлісіңіз:
Facebook | VK | WhatsApp | Telegram | Twitter