Өлеңдер ✍️

  01.02.2023
  594


Автор: Гүлсім Сатыбалды

Бақыттың кілті


Мас болып ғұмыр қызықтарына,
Керексіз жерін сызып тағы да.
Келемін көріп, таң қалуменен,
Пенденің мінген қызық тағына..!


Көргім кеп, тек таң, ғажайыптарын,
Сұрадым қарттан, ғажайып таңын.
-Мәңгілік қалқам, бала деп жүрсең,
Қалады дейді, азайып бағың!


Бақыттың кілтін сұрадым достан,
-Жарыңа жалған құрағын жоспар.
Айлаңды асыр, бақыттың сонда,
Саласың дейді, тұрағын бастан.


Сұрадым достың, әріптесінен,
-Халықты жей бер, бәрі несібең.
Бағала бақты.
Бұлданса біреу,
Бола сал дейді, ғаріп, есі кем!


Сұрадым жардан, бақытты тағы,
-Сен үшін мен ғой, бақыттың таңы.
Иеңмін дейді, Алладан кейін,
Разылықтарда, бар құттың ағы!


Анама бардым, анығын сұрап,
Жүргенді меңзеп, қабынып құлап.
-Өмірдің өзі, бақыт қой деді,
Бергені Алла, барлығын құрап!


Сұрағым келді перзенттен бақ-ты,
Күтіп жүр ұлым, ержеткен шақты.
Тамсанып тұрып тапқандай болдым,
Уайымсыз күнім, бақ екен нақты!


 




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу