Бөлім: «Нақыл сөздер»

Ең терең идеялар - қиын идеялар. Өнердің түбіне сорпа бетіндегі майдай қалқыған түсінікті идея жетеді. Жазушының бір міндеті - идеяны ашу емес, оны..

Ақынды прозамен тексеріп алса - теріс емес.
 

Текстің дәмін алудың төте жолы - талмай оқу.
 

Ойдың жанарға жеткен жылтылындай – жанардың жарығы да жанға түседі.
 

Ой ойнамай – сөйлем жоқ.
 

Келер қазақтың да ішетін уы мен балы - Абай.
 

Зады, бірегей тұлғаларға, бірегей кітаптарға сын есім жүрмейді.
 

Кісілігін жоғалтпаса - жауыңның қайсыбір иттігін кешіруге де болады.
 

Кейбір адамдардың бағасын жауының санымен де өлшеуге болады.
 

Сөз - құлын да, ой - жылқы.
 

Шын режиссура – жүрек сияқты: соққаны білінбейді.
 

Кем талант - кемтар талант.
 

Кем талант - мүмкіндігінше, шын талант - қалағанынша жазады.
 

Адамның адамдығын - оның басқаға, басқаларға шын зәрулігімен өлшеуге болады.
 

Тіс тимеген шөп жесір, құс қонбаған көл жесір.
 

Өмір – өнер болғанда, өнер – өлшем. Өнер – өлшем болғанда, өлшем – үнем. Ал үнем – тірліктің күре тіні.
 

Тәрбиенің еркіндігі - еркіндікпен тәрбиелеу.
 

Тірлік кешкен адамның сол тірліктен алып кетері – жат тізені кеудесіне шығармау.
 

Стилі жоқтың жазғанын оқу - арпа талқанды құрғақ асағандай. Стильсіз жазушы, стилін таба алмаған жазушы - іріге еліктеп көлеңке калькаға барады да..

Ашық айту - анық айту болғанымен, ақиқатты айту емес.
 

Қаланың паспорты – такси мен базар.
 

От пен түтін, адам мен қылмыс – жатырлас.
 

7 сөздің басын әзер қосарға 70-ақ сөзден тұратын сөйлем тағылық көрінеді. Мұнысы дұрыс та: ешкі – танауына алма сыяр алпауыттың қарымын қайдан..

Ай айнасын бұлт басса, жан айнасын мұң басқан.
 

Өтірікті кешіруге болады, ақтауға болмайды.