Өлеңдер ✍️
  19.07.2022
  227

Автор: Баянғали Әлімжанов

ЕШКІМДІ ЕШКІМ ТҮСІНБЕЙДІ

Ешкімді ешкім түсінбейді жалғанда,
Оған бола жынданба да,
Зарланба,
Жылмаң қағып
Желпілдетсе жәдігөй
Түсінді-ау деп
Жақын тұтып алданба,
Жан сырыңды
Жарнамалап жаһанға
Даңғазамен
Жеткіздім деп малданба.
Әр кімнің де
Өз жүгі бар жолдағы,
Тура болмас сен туралы толғамы,
Кеуде қағып
Кімге міндет қыласың
Алтынмын деп
Бағаланбас қолдағы,
Жөн таппайсың
Жалпы көпке өкпелеп
Жаббар құдай жаныңды ұқса
Болғаны!


  Ешкім түсіну Баянғали Әлімжанов Баянғали Әлімжанов өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇
  БҰҚАР ЖЫРАУ МЕН БРОДСКИЙ ᐈ
  ТАМШЫ ᐈ
  КАРАТЭ МЕН ҚАРА ӨЛЕҢ ᐈ
  ДӘРІГЕР ᐈ
  МҰҒАЛІМ ᐈ

Пікір жазу