Өлеңдер ✍️
  12.07.2022
  135

Автор: Шабаз Иманалиев

Жаныма жақсылықты өріп өстім...

Жаныма жақсылықты өріп өстім,
Жасымнан өмір сырын көріп өстім.
Болмай ма біреу олпы, біреу солпы,
Талайын көрдім есер, жарыместің.
Мен аштым барлығына құшағымды,
Дүниеге тұрғын болып туса кімді.
Бәрінен күттім тәтті ізгілікті,
Алдамшы танымадым құсалықты.
Уа, көңіл, ендігіңді әрі алып қой,
Кеудемде талай тәтті жаралыпты ой.
Дүниеде жақсылардан бағыт алып,
Соларға иліксінші нәр алып бой.


  жақсылық Өру өсу Шабаз Иманалиев Шабаз Иманалиев өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Қос жүрек қуанышты ала шапты... ᐈ
  Өзіңсің жүрегіме балағаным... ᐈ
  Жатырсың тыныштанып, ерке Жайық... ᐈ
  Жаныма бір жақсы үміт күле кірді... ᐈ
  Түн ұзап, таң шапағы шашырады... ᐈ

Пікір жазу