Өлеңдер ✍️

Жап-жас бір қыз түрініп тастап білекті,
Нәп-нәзік қолмен тастай ғып ұстап күректі,
Қопсытып түбін талдарды баптап келеді,
Көшені бойлап тізіліп тұрған ретті.
Күнде осы ісі, күнкөріс деген оңай ма?
Көше сыпырып, тазалық сыйлап маңайға.
Ағашын ақтап, гүлдерін баптап жүреді,
Оянып ерте, оранып таңғы арайға.
Қараса оған тұрғындар түрлі көзбенен,
Көрсетер мінез аяныштарын сезбеген.
Көше сыпырып адал еңбекпен нан табар,
Өз ісін біліп, мақсатын ойлап көздеген.