Тақпақтар ✍️

Ертіп қозы, лақты,
Қырда құлын шапты,
Терең сулы сайда,
Қасқыр аңдып жатты.
Іздегені жанжал,
Азулары қанжар,
Тиіп кеткен жерін
Айырады дал-дал!
Сақылдатып тісін,
Жинап барлық күшін,
Атып шықты кенет
Басып төлдің мысын.
Төлдің бәрі сасып,
Тұрды басын қасып,
Құлын айтты сонда
Күш-қуаты тасып.
«Қашсақ қазір қорқып,
Қуып жетер жортып,
Жеке, жеке жейді,
Шекемізден шертіп.
Болса ақыл, айлаң,
Қолдан келер қайран,
Қайраттанып бұған
Берейік бір майдан!»