Өлеңдер ✍️

Жол

     Тұрдыхан А

қайғы-мұңның біздерге не керегі,

қамкөңіл бұл көңілдің көбелегі.

тарам-тарам жолдары табыспаған,

тағдыры бір пендеміз кемедегі.

айтпағайсың арманды қиялды да,

армансыз-ақ өмірге сиям мына,

тепкіленген теңіздей тентек сезім,

тебіреніп, кеудеңнен шыға алды ма?

ашпай-ақ қой сен маған сырыңды да,

үндеместен жүрейік бұрынғыдай .

ақ мақтаға алармыз от кетіріп,

оқылмасын ендігі жырың бұла.

бәлкім, уақыт араны алыс қылар,

күндерді аңсап күтерміз қауыштырар,

айтар сырды жүрелік іштен ұғып,

бір жол бізді түбінде табыстырар.