Өлеңдер ✍️

Сүйемін «Балам» деген қолдауыңды,
Орындап, арман-тілек қалауымды.
Жетерсің деп шыңдардың биігіне,
Құрметтедің өмірлік таңдауымды.

Анашым – асыл сүтін берген маған,
Бойымда қайрат-жігер ойнақтаған.
Кіршіксіз жас баладай көңіліңе
Қалайша қаяу салып жүре алам?!

Аяулы, асыл анам, ғасыр анам,
Өзіңдей ардақты адам қайдан табам?!
Қиындықты еңсеруге керексің маған,
Мәңгілік күлімсіреп жүрші, аман!