Тақпақтар ✍️
Тақпақтар ✍️
01.02.2023
612
Батыр бала
Табылатын жанымнан
Менің досым Бердібек,
Ерлігімен танылған
Нағыз батыр, ержүрек.
Қорқынышты жек көрген,
Ол үйінің қорғаны,
Қиындықтан тап келген
Бауырларын қорғады.
Шамы сөніп қаламның,
Түннің келген шағында
Үйі кенет олардың
Ораныпты жалынға.
Үйде бірақ сол күні
Ата-анасы жоқ еді.
Қарындасы Мөлдір мен
Екі інісі бар еді.
Аңдап басып ақырын,
Жанған өрттен қауіпті
Бауырларын батырың
Тез құтқарып алыпты…
Әлеуметтік желілерде бөлісіңіз:
Facebook | VK | WhatsApp | Telegram | Twitter