Өлеңдер ✍️

Адамдар асығады,
Алла асықпайды.
Әркімнің кеудесінде қасық қайғы.
Талабың тассын қанша,
Талайыңнан
Алмассың, ала алмассың асып бәйгі.
Сырыңды өлтірсең де ішіңдегі,
Тіріліп, бір күн шағар, түсін, сені.
Қасірет – таба алмасаң тілейтінін
Талпынған кеудеңдегі құсың нені...
Келмесе өмірімнің өлең хошы,
Бұйырған тағдырыма көнем де осы.
Сыз да емес, мұз да емес, жүрегімді
Жауратқан – жапырақтың көлеңкесі...