Сынып сағаты: «Менің Отаным – Қазақстан»

АНЫҚТАМА

Сынып сағатының тақырыбы: «Менің Отаным – Қазақстан»Сабақ №1: «Төтенше нөмірлер» (Қауіпсіздік сабағы – 10 минут)

Сынып сағатының мақсаты:

Жас ұрпақты Отанын сүюге, еліміздің рәміздерін қастерлеуге, бай — қуатты ел екендігін мақтан етуге үйретіп, туған еліне, жеріне деген сүйіспеншілігін арттыру, махаббат сезімін ояту.

Қауіпсіздік сабағының мақсаты:

Оқушыларға төтенше жағдайлар қызметі не үшін арналғанын және олардың жұмыс істеу тәртібімен таныстыру.

Қауіпсіздік сабағының міндеттері:

1. Оқушыларды жедел қызмет түрлерімен таныстыру, өрт қауіпсіздігі, жол жүру ережелері мен денсаулықты сақтау маңыздылығын түсіндіру.

2. Зейінін, есте сақтауын, ойлау қабілетін дамытуға ықпал ету.

3. Төтенше жағдайларда қауіпсіз мінез-құлық үлгісін қалыптастыру, үлкендермен қарым-қатынас жасау қажеттілігін тәрбиелеу.

Құндылықтарды дарыту:

ОТАНШЫЛДЫҚ ЖӘНЕ ТӘУЕЛСІЗДІК: Қазақстанның тарихын, мәдениеті мен дәстүрлерін, оның тәуелсіздігін және оны сақтаудың маңыздылығын түсіну.

Апта дәйексөзі:

«Білім – қымбат қазына, қанағат тұтпа азына» (Мұзафар Әлімбаев).

Сабақ барысы:

- Амандасу, мемлекеттік Әнұран орындау.- Тақырыпты хабарлау, мақсатпен таныстыру.- Оқушылардың білімін тексеру: «Кім білгір?» сұрақ-жауап ойыны (Президент, Ту, Елтаңба, Әнұран авторлары, Тәуелсіздік күні, т.б. сұрақтар).- «Менің Отаным – Қазақстан» тақырыбында постер, өлең, мақал-мәтелдер, көрініс дайындау (топтық жұмыс).- Қазақстан туралы бейнеролик көру.- Қауіпсіздік сабағы: төтенше жағдайларда қоңырау шалудың ережесі, жедел нөмірлер (101, 102, 103, 104, 112).- «Ыстық орындық» әдісі – әр оқушының өз ойын білдіруі.- Қорытынды: «Бес саусақ» әдісі арқылы рефлексия.

Қолданылған ресурстар:

- Бейнероликтер (YouTube).- Үлестірмелі материалдар (жедел қызмет нөмірлері).- Суреттер, постерлер.- Стикерлер, тақырыптық терминдер жазбасы.