Әлемді өзгерткен өнертабыстар. Қазақ тілі, 11 сынып, сабақ жоспары. 1 сабақ. 1 нұсқа.

Пән: қазақ тілі

1-нұсқа

Мектеп:

Ұзақ мерзімді жоспар бөлімі:

Әлемді өзгерткен өнертабыстар. Шешендік сөздер.

Күні:

Мұғалімнің аты-жөні:

Сынып: 11 Т1

Қатысқан оқушылар саны:

Қатыспағандар:

Сабақтың тақырыбы

Әлемді өзгерткен өнертабыстар

Осы сабақта қол жеткізілетін оқу мақсаттары

11.1.2.1 мамандандырылған тар аядағы арнайы мәтіндердегі (бейнебаян) мақсатты аудиторияға арналған терминдер мен ұғымдарды, тілдік оралымдарды, мәтін үзінділерін талдау.

Сабақтың мақсаттары

Әлемді өзгерткен өнертабыстар тақырыбы бойынша мәтіндегі (бейнебаян) мақсатты аудиторияға арналған терминдер мен ұғымдарды, тілдік оралымдарды, мәтін үзінділерін талдау.

Бағалау критерийі

• мәтіндегі мақсатты аудиторияға арналған терминдер мен ұғымдарды, тілдік оралымдарды анықтайды;
• мәтін үзінділеріне талдау жасайды.

Тілдік мақсаттар

Тақырып бойынша клишелер мен лексикалық құрылымдарды орынды қолдануға үйренеді, өзге пәндер бойынша меңгерген білімін, алған ақпараттарын қазақ тілінде сауатты қолдана алады.

Құндылықтарды игерту

Жауапкершілік (өз тапсырмасын жауапкершілікпен орындау).

Құрмет (бір-бірінің ойына, пікіріне құрметпен қарау).

Жаһандық азамат

Пәнаралық байланыс

Физика, Жаһандық перспективалар және жобалық жұмыс (сабақ ортасындағы материалдар негізінде)

Бастапқы білім

Публицистикалық стиль

Жоспар

 Жоспар бойынша орындалуы тиіс іс-әрекеттер

Суреттерге қарай отырып, сабақтың тақырыбын анықтайды. Жетекші сұрақтар қойылады.

• Суреттерде не бейнеленген?
• Суретте бейнеленген технология түрлерінің өміріміздегі маңыздылығы қандай?

Сабақ тақырыбымен мақсатымен таныстырады. Оқушылармен бірге бағалау критерийін талқылайды.

Тыңдалым алдындағы тапсырма.

Мұғалім оқушыларға тезистерді оқиды. Оқушылар тыңдап, осы тезистерге қатысты пікір білдіреді.

1. Технологияның адам үшін пайдасы зор.

2. Технологияның адамға әкелер зардабы мол.

3. Технологиясыз адамдар өмірін елестете алмайды.

4. Технологиялардың пайдасынан денсаулыққа тигізер зияны көп.

5. Технологиялар адам өмірін жеңілдетті.

6. Қазір пайдасыз технологиялар көп.

Тыңдалым тапсырмасы. https://www.youtube.com/watch?v=xQUtbZg-eUk

200 жылдан кейінгі адамзат өмірін елестете аласыз ба?

Мұғалім оқушыларға болашақ туралы бейнеатериал көрсетеді. Оқушылар қарап, сұрақтарға жауап береді.

А) Сенің ойыңша, болашақта өмір осындай бола ма? Әлде бұл жай қиял ма?

• Егер өміріміз дәл бейнематериалдағыдай болса, қандай қиындықтар туындауы мүмкін?

• Қандай жағымды жақтары бар екені туралы ойланып көр.

Ә) Мәтінді екінші рет тыңдап, берілген сөздер мен сөз тіркестерінің мәтіндегі қолданысын түсіндіреді. Осы тілдік оралымдар негізінде мәтіннің көзделген аудиториясын анықтайды.

Көзді ашып-жұмғанша, ақыл-ой жемісі, өркениетті заман, жер планетасы, арман-қиялдың жемісі, қиялында тегін құрастыру, қара тастан жеміс алу.

Тыңдалымнан кейінгі тапсырма.

Бейнематериалды басшылыққа ала отырып, оқушылар «Технологиялар өмірімізге белсенді араласса не болады?» сұрағы негізінде жазба жұмысын жазады.

Дескриптор:

• тақырып бойынша тезистерге пікірін білдіреді;
• сұрақтарға креативті жауап береді;
• сөздер мен сөз тіркестерінің мәтіндегі қолданысын түсіндіреді;
• мәтіннің мақсатты аудиториясын анықтайды;
• жазба жұмысында ойын жүйелі жеткізеді;

Оқушылар жазба жұмыстарын жұпта талқылап, қатар отырған жұппен бөліседі. Жұптарда қызықты деп табылған бірнеше жұмыс оқытылады. Оқушылар бір-бірінің жазба жұмыстарынан алған әсерлерімен бөліседі.

Сабақтың соңында мұғалім бағалау критерийлері мен сабақ мақсаттарына қайта оралады. Бағалау критерийлеріне қаншалықты қол жеткізгендері туралы талқылайды.

Рефлексия «Екі жұлдыз, бір тілек».

Қосымша ақпарат

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Денсаулық және қауіпсіздік ережелерін сақтау

Ойлану

Сабақ мақсаттары/оқу мақсаттары жүзеге асырымды болды ма?

Бүгін оқушылар нені үйренді? Сыныптағы оқу атмосферасы қандай болды? Дифференциацияны жүзеге асыру қолымнан келді ме? Мен жоспарланған уақытымды ұстандым ба? Мен жоспарыма қандай өзгерістер енгіздім және неліктен?

Төменде берілген бөлімді осы сабақ туралы ойларыңызды жазу үшін пайдаланыңыз. Сол жақ бағанда берілген сабағыңызға қатысты ең маңызды сұрақтарға жауап беріңіз