Экономикалық интеграция - бүгінгі күннің даму үрдісі. Қазақ тілі, 10 сынып, сабақ жоспары. 1 сабақ.

Ұзақ мерзімді жоспардың бөлімі:

Экономикалық интеграция - бүгінгі күннің даму үрдісі

Мектеп:

Күні:

Мұғалімнің ТАӘ:

Сынып:10

Қатыспағандар саны:

Қатысқандар саны :

Сабақтың тақырыбы

Экономикалық интеграция - бүгінгі күннің даму үрдісі

Сабақтың мақсаты

10.2.3.1 көпшілікке арналған мақаланың құрылымы мен рәсімделуін білу, жанрлық ерекшеліктерін талдау;

Бағалау критерийлері

Көпшілікке арналған мақаланың құрылымы мен рәсімделуін біліп, жанрлық ерекшеліктерін талдайды;

 Тілдік мақсаттар

Пән лексикасы және терминология:

Синонимдер, сөздердің тура мағынасы, терминдер, неологизмдер, сұраулы және лепті сөйлем.

Жаһандану үрдісі, экономикалық интеграция, инвестициялық келісім, еркін сауда аймағы, кедендік одақ құру, саясаттық одақ, интеграциялық үдеріс, ортақ нарық, стратегиялық әріптес, ресми растау, валютаның құнсыздануы, индустриялық-инновациялық әріптестікті дамыту, ерекше бағалау.

 Құндылықтар

Ашықтық, өмір бойы оқу, құндылықтарды дәріптеу

 Пәнаралық байланыс

Математика, экономика

Осыған дейін меңгерілген білім

-

Сабақтың барысы

Жоспарланған әрекеттер

Қызығушылықты ояту

Сыныпты «Kinder surprise» құтышаларымен үш топқа бөледі. Топ мүшелерінің құтышаларында «Экономикалық интеграция - бүгінгі күннің даму үрдісі» тақырыбында сөйлемдер жазылған. Сөйлемдерді дұрыс және тез құрастырған топ мүшелері «Бинго» деп айқайлайды.

• «Жасылдар» тобы.

Интеграциялық бірлестікке енетін елдердің экономикалық даму деңгейлері шамалас болуы тиіс

• «Қызылдар» тобы.

Интеграциялық бірлестікке енетін елдердің географиялық жақындығы, мен тарихи қалыптасқан экономикалық байланыстары болуы тиіс;

3. «Көктер» тобы.

Елдер арасында экономикалық даму, қаржыландыру, экономиканы реттеу, саяси қарым-қатынаста мәселелер ортақ болуы тиіс.

Оқушылардың ой-пікірлері тыңдалады.

Мұғалім сабақтың тақырыбын, оқу мақсаты мен бағалау критерийлерін оқушылармен бірге талқылайды.

Мағынаны тану

Оқушылар топтастырылған кішігірім топтарда жұмыс істеп, экономика мен интеграция дегенде ойына келген алғашқы ұғымдарды екі бағанға тізіп жазады.

Мақала жазу талаптары:

1. Тақырып

• Тақырып қызықты болу керек, бұл мақаладан оқырман қандай ақпарат ала алады, ол қаншалықты пайдалы болады?

2. Кіріспе

• Мақаладағы мәселені бірден толық ашпай, оқырманды аяғына дейін қызықтырып отыру керек.

3. Негізгі бөлім

• Бір абзацта 5-6 сөйлем болу керек.

4. Қорытынды

• Мақаланың соңында қорытынды ойды білдіретін сөйлем болу керек.

5. Тавтологиядан аулақ болыңыз, түсініксіз сөздерді қолданбаңыз.

6. Мәтінді аяқтағаннан кейін міндетті түрде бастан аяғына дейін тексеріп шығыңыз.

7. Барлық грамматикадан, тыныс белгіден кеткен қателерді түзетуді ұмытпаңыз.

8. Қаласаңыз мақалаңыздың тақырыбын ашатын сурет ұсынуыңызға болады.

«Экономикалық интеграциялық үрдістер: тәжірибелері және мәселелері» тақырыбында 70-80 сөзден тұратын мақала жазыңыз.

Дескриптор:

Мақала жазуда стильдің тілдік құралдарын, қажетті сөздерді дұрыс қолданады;

Мақал құрылымы мен мақала жазу талаптарын сақтайды.

Сабақтың соңында мұғалім бағалау критерийлері мен сабақ мақсаттарына қайта оралады. Бағалау критерийлеріне қаншалықты қол жеткізгендері туралы бірге талқылайды.

Рефлексия

• Мен ............................................... білдім.
• Мен .................................................үйрендім.
• Маған..............................................ұнады.
• Маған..............................................қиындық туғызды.
• Менің көңіл-күйім............................... .

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Бағалау – Оқушылардың ақпаратты қаншалықты меңгергенін қалай тексересіз?

Пәнаралық байланыс

Қауіпсіздік ережелері

АКТ-мен байланыс Құндылықтармен байланыс (тәрбиелік элемент)