Жеңіс күні. Ұлы ерлікке тағзым. Қазақ тілі, 7 сынып, қалыптастырушы бағалау. 3 сабақ.

2-тапсырма: «ГАЛЕРЕЯДА ОЙ ШАРЛАУ»

Сынып қабырғасына (интербелсенді тақтада) Ұлы Отан соғысы жылдары ерлік көрсеткен ардагерлердің және майдан даласындағы көріністерден суреттер беріледі.

Оқушылар берілген суреттермен танысады. «Еркін микрофон» әдісі бойынша әр топ 2 суретті таңдайды.

Топ мүшелері шеңбер бойына тұрады.

Мұғалім микрофонды алып, шеңберде тұрған оқушыларға сұрақ қояды. Оқушылар сұрақтарға жауап береді.

• «Галереяда» не көрдіңіздер?
• Берілген суреттерді топтастырып қандай атау берер едіңіз?
• «Галереяны» аралау барысында қандай сезімде болдың? т.с.с. сұрақтар қойылады. Оқушылар берілген сұрақтарға сабақ бойында алған мағлұматтарын пайдалана отырып, жауап береді.

Бағалау критерийлері:

• Түрлі ресурс көздерінен алынған деректерді қолдана отырып, берілген сұрақтарға нақты жауап берді;
• қажетті мәліметтерді жинақтап, авторына сілтеме жасай отырып, өз ойын тиянақты жеткізу.

Дескрипторлар:

• сұрақтарға нақты жауап береді;
• мәліметтерді еркін қолданады;
• өз ойын тиянақты жеткізеді
• кемінде 2 мысал келтіреді