Мазмұндама. Торғайлар. Қазақ тілі, 4 сынып, дидактикалық материал. 74 сабақ

74-сабақ.Табиғат құбылыстары

Дидактикалық материалдар

Сабақ тақырыбы: Мазмұндама. Торғайлар.

№1

Торғайлар

Қыс. Күн суық. Қаңтар айында күннің әлсіз нұры ауланы шуаққа бөлей алмай тұр. Дәулет терезе алдында сыртқа қарап, жалғыз өзі отыр еді. Үлкен терезенің алдына бір топ торғай ұшып келді. Қарындары қатты ашқан болуы керек. Дір-дір етеді. Дәулеттің торғайларға жаны ашыды. Терезені ашып, торғайларды үйге кіргізіп алғысы келді. Апасының: «Терезені ашып қойма, үй суып кетеді» деген сөзі есіне түсті.

Ол терезені сәл саңылау жасай ашты да, нанның қиқимын алып, терезенің жақтауына септі. Торғайлар нанның қиқымын тез-тез шоқып жеді де, ұшып кетті. Кенет торғайлар бұрынғысынан да көбейіп ұшып келді. Терезе жақтауына жапырлай қонып, топырлап барады.

«Торғайдың пайдасы көп» дейтін әжесі. Олар ағашқа, алмаға, жүзімге зиянды құрт-құмырсқаларды теріп жеп, жамандыққа жол бермейді емес пе?  Өз ойын осылай түйіндеген Дәулет нан салынған ыдысқа тағы да қолын соза берді.