№9сабақ_Шақыру жазу_ҚМЖ

Ұзақ мерзімді жоспар бөлімі: 8-бөлім. «Демалыс мәдениеті. Мерекелер» Күні: 4 тоқсан

Мектеп:

Мұғалімнің аты-жөні:

Модератор: Абдрасилова Гулсим Лесбековна

Сынып: 3

Қатысқандар:

Қатыспағандар саны:

Сабақ тақырыбы

№9 сабақ. Шақыру жазу

Осы сабақта қол жеткізілетін оқу мақсаттары (оқу бағдарламасына сілтеме)

3.1.4.1 тірек сөздер мен жоспарды пайдалана отырып, берілген тақырып бойынша әңгіме құрау;

3.3.4.1* мұғалімнің көмегімен сызба, график, кесте, фотосуреттер пайдаланып, мәтін (хат, шақыру, нұсқаулық) құру/компьютерде теру;

3.3.6.1 кең жолды дәптерде бас әріп пен кіші әріптің биіктігі мен мөлшерін сақтап көлбеу, үзбей және біркелкі жазу, жазу қарқынын жеделдету.

Сабақ мақсаттары

Бағалау критерийлері

-берілген тақырып бойынша әңгіме құрайды;

-мәтінді түрлі формада ұсынады;

-каллиграфиялық нормаларды сақтап жазады.

Сөздік қор

Пәндік терминология мен тірек сөздер:

Әңгімелеу мәтіні, мәтін құрылымы, тірек сөздер т.б.

Сабақта диалог /жазу үшін пайдаланылатын тіл:

Талқылау үшін сұрақтар:

-Жаңаша ойлауға жетелейтін, ғылым мен техниканың дамуына серпін беретін, елдің, қаланың аты өркениет тарихында қалатын, мемлекеттің мерейін асыратын, елдің дамуына қуатты қозғау болатын нәрсе?

Құндылықтарды дарыту

Жұпта, топта бірлесіп жұмыс істеуге, өзара көмек беруге баулу

Пәнаралық байланыстар

Дүниетану, әдебиеттік оқу

Алдыңғы меңгерілген білім

Мәтін туралы білімдеріне негізделіп меңгертіледі

Сабақ барысы

Сабақта жоспарланған іс-әрекет

(Т, Ұ) Миға шабуыл

Оқушыларға тұжырымды ойлар ұсынылады:

-Жаңаша ойлауға жетеледі;

-Ғылым мен техниканың дамуына серпін берді;

-Елдің, қаланың аты өркениет тарихында қалды;

-Мемлекеттің мерейін асырды;

-Елдің дамуына қуатты қозғау болды т.б.

-Айтылған ой-пікірлер неге қатысты деп ойлайсың?

ЭКСПО 2017 көрмесінен түсірілген түрлі фотосуреттер көрсетіледі.

Оқушылардан не туралы айтылып тұрғаны сұралады.

(«ЭКСПО 2017»)

Сабақтың тақырыбы мен мақсатын оқып, бағалау критерийлері оқушылармен бірге құрастырылады.

Негізгі бөлім

3.1.4.1 (Т, Қ) Тірек сөздер мен жоспарды пайдалана отырып, әңгіме құрау.

Оқушылардан өткен каникулды қалай өткізгендерін және алдағы каникулды қалай жоспарлағандарын сұралады. ЭКСПО 2017 көрмесі туралы көргендерімен, алған әсерлерімен бөліседі, білетін мәліметтері анықталады. Оқушылардың мәліметтері жинақталған соң, ЭКСПО 2017 көрмесіне байланысты тірек сөздер тапқызылады. Оқушылардың ұсынған тірек сөздері мен мұғалімнің алдын ала дайындаған нұсқасы салыстырылады. Қажет жағдайда тірек сөздер қатары түзетіліп, толықтырылып жазылады.

Тірек сөздер: Жазғы каникул, ерекше, Астана, ЭКСПО 2017, халықаралық көрме, экспонаттар, «Нұр әлем» павильоны, ұлт тарихы, жел, су, күн, өзге мемлекеттер, әсер, жетістік, мақтан тұту, жарқын, көз жету.

Оқушыларға талқыланған мәліметтері және тірек сөздер негізінде топта жоспар құру ұсынылады. Әр топтың құрған жоспарлары сыныпта тыңдалады. Қажет жағдайда мұғалімнің даярлаған нұсқасымен салыстырылып, түзетіледі.

Жоспар:

1. Жазғы каникул.

2. Көрменің кереметтері.

3. Елімнің жеңісі.

Топ ішінде құрған жоспарлары негізінде әңгіме құрастырады. Мәтінге ат қояды. Құрастырған әңгімелерін сыныпта оқиды.

(МК) Әңгіменің мәтін құрылымына сәйкес құрылуын қадағалайды. Алдын ала даярланған өз нұсқасымен салыстырады, түзетулер енгізеді. Бағалау дескрипторы негізінде өзара бағалайды.

Бағалау дескрипторы:

-тірек сөздерді анықтайды

-жоспар негізінде әңгіме құрайды.

Сергіту сәті!

3.3.4.1 (МК, Ж, Т, Ө) Астана қаласындағы ЭКСПО көрмесіне шақыру қағазын құрап жазу.

Оқушыларға шақыру қағаздарын (тойға шақыру, кешке шақыру, мерейтойға шақыру, көрмеге шақыру, кездесуге шақыру т.б.) тарату.

Проблемалық сұрақ:

-Шақыру қағазы не үшін қажет?

-Шақыру қағазы қалай жазылады?Мазмұны?

-Шақыру қағазының құрылымы қандай?

Сынып оқушыларымен шақыру қағазын жазуға қойылатын талаптар анықталады:

1. Құрметті сөзімен қаратылып айтылатын тіркестің болуы;

2. Шақырудың себебін немесе мақсатын көрсетуі;

3. Өтетін орны мен уақытының белгіленуі;

4. Мәтіннің ең соңғы сөзінің шақырамын деп аяқталуы;

5. Шақырушы аты-жөнінің көрсетілуі.

Оқушыларға алдымен жұпта шақыру қағазының жобасын жасау тапсырылады. Топта шақыру қағазы үлгілерін таныстырады. Оқушылар өзге шақыру қағазы үлгілерімен танысу барысында өздік жұмысы үшін идеялар жинақтайды, шақыру қағазының өз нұсқасын жазады.

Жұптық, топтық және өзіндік жұмысты орындауға нақты уақыт беріледі, тапсырманы орындаған соң, шақыру қағаздарын сынып бұрышына алдын ала қойылған дүкен сөресіне қояды.

Оқушылар біртіндеп шақыру қағаздарымен танысып шығады. Топта талқылап, ұнаған шақыру қағазын таңдап, сатып алу шартына сәйкес (шарты: ЭКСПО 2017 көрмесі туралы бір мәлімет айту) оны жасаған иесінен сатып алады. Бірінші сатылған шақыру қағазын тақтаға жазады. Оқушылар көшіріп жазады. Өзіндік бағалайды.

(Ө, Қ) Өзіндік бағалау

-Мен не үйрендім?

-Мен үшін не қиын болды?

-Мен енді нені үйренуім керек?

Үйге тапсырма: ЭКСПО 2017 көрмесінен алған әсерлері туралы досына хат жазу.

Қосымша ақпарат

Саралау – оқушыларға көбірек қолдау көрсетуді қалай жоспарлайсыз? Қабілеті жоғары оқушыларға қандай тапсырмалар қоюды жоспарлап отырсыз?

Денсаулық және қауіпсіздік техникасының сақталуы

Әңгіме құрастыру барысында сөйлем құрауға, айтылымға қиналатын оқушыларға қолдау көрсету.

Қабілеті жоғары оқушыларға өз бетінше жұмыс істеуге мүмкіндік жасалады.

Белсенді оқыту әдістері қолданылады.

Сабақ бойынша рефлексия

Сабақ мақсаттары дұрыс қойылған ба?

Оқушылар оқу мақсаттарына қол жеткізді ме?

Оқу мақсаттарына қол жеткізілмесе себебі неде?

Ынтымақтастыққа қол жеткізілді ме?

Саралау бойынша жұмыстар дұрыс жүргізілді ме?

Уақыт кезеңдері дұрыс сақталды ма?

Жоспардан ауытқулар орын алды ма? Неліктен?

Қорытындылау

Қандай екі нəрсе табысты болды (оқытуды да, оқуды да ескеріңіз)?

1:

2:

Қандай екі нəрсе сабақты жақсарта алды (оқытуды да, оқуды да ескеріңіз)?

1:

2:

Сабақ барысында сынып немесе жекелеген оқушылар туралы келесі сабағымды жетілдіруге не көмектесетін білдім?