1_Қазақ тілі_3 сынып_8-бөлім_ _Мазмұндама жазу_ҚМЖ

Ұзақ мерзімді жоспар бөлімі: 8-бөлім. «Демалыс мәдениеті. Мерекелер»

Күні: 4 тоқсан

Мектеп:

Мұғалімнің аты-жөні:

Модератор: Абдрасилова Гулсим Лесбековна

Сынып: 3

Қатысқандар:

Қатыспағандар саны:

Сабақ тақырыбы

№7сабақ. Мазмұндама жазу

Осы сабақта қол жеткізілетін оқу мақсаттары (оқу бағдарламасына сілтеме)

3.2.5.1 берілген тақырып, сұрақ бойынша түрлі дереккөздерден (мәтін, сөздік, сызба, кесте, карта) алынған ақпараттарда кездесетін жаңа сөздердің мағынасын сөздіктер арқылы ашу, жүйелеу, мағлұматтардың маңызды тұстарын анықтау;

3.3.3.1 өз бетінше оқыған, тыңдаған және аудиовизуалды материалдар бойынша жоспар құрып, мазмұндама жазу;

3.3.5.1 жіберілген пунктуациялық, орфографиялық, грамматикалық және стилистикалық қателерді мұғалімнің көмегімен тауып, түзету.

Сабақ мақсаттары

Бағалау критерийлері

-жаңа сөздердің мағынасын түсіндіреді,

-тыңдаған материал негізінде жоспар бойынша мазмұндама жазады;

-қателерді тауып, түзетеді.

Сөздік қор

Пәндік терминология мен тірек сөздер:

Сөздер, сөйлемдердің байланысы, мәтін, мәтін құрылымы

Сабақта диалог /жазу үшін пайдаланылатын тіл:

Талқылау үшін сұрақтар:

Мәншүктің отбасы жайлы не айта аласың? Ол мәліметті неге сүйеніп анықтадың?

Құндылықтарды дарыту

Отан қорғауға, ата-бабаларымыздың өмірінен үлгі-өнеге алуға тәрбиелеу

Пәнаралық байланыстар

Әдебиеттік оқу, дүниетану

Алдыңғы меңгерілген білім

Сөз құрамы

Сабақ барысы

Сабақта жоспарланған іс-әрекет

(Т, Ұ) Сызбамен жұмыс

«Кім тапқыр?» ойынын ойнату.

Оқушылардан сызбада кім туралы айтылғанын сұрау.

Негізгі бөлім

3.2.5.1 (МК, Ұ) Жаңа сөздердің мағынасын сөздіктер арқылы ашу.

Мәншүк Мәметова туралы бейнематериал көреді.

Сұрақтар қойылады:

-Бейнематериал кім туралы?

-Мәншүк туралы қандай жаңа мәлімет алдың?

-Мәншүктің отбасы жайлы не айта аласың? Ол мәліметті неге сүйеніп анықтадың?

(МК, Ұ) Мәтінді оқу.

Ержүрек қыз

Сержант Мәншүк Мәметованың өтінішін бригада газетінде жариялаңдар, - деді комиссар. Өтінішінде Мәншүк пулемётші болып, зұлым* жауды жайратқысы* келетінін айтыпты. «Өзім өлсем де, Отаным аман болса екен!» деп жазыпты. Бір мың тоғыз жүз қырық үшінші жылы біздің атқыштар бригадасы жауды батысқа қарай тықсырып* келе жатты. Бір мезгілде жау қарсы шабуылға шықты. Жау шабуылы жақындай берді. Жараланған Мәншүк фашистердің дабырлаған үнін естіп, есін жиып алды. Жексұрын жауға өшіккен ол жанына батқанына қарамай, бірден пулемётіне ұмтылды. Оғы бұршақтай жауды. Кекті қыз жау солдаттарын баудай түсірді. Фашистер тым-тырақай кейін қашты. Енді біздің жауынгерлер шабуылға шықты. Тамаша ерлігі үшін қазақ халқының қаһарман қызына Кеңес Одағының Батыры деген құрметті атақ берілді.

Оқушылардың назары жұлдызшамен берілген сөздерге аударылады: зұлым, жайратқысы, тықсырып.

-Бұл сөздердің мағынасын түсінесің бе?

-Синонимдерін атай аласың ба?

Оқушылар ойларын айтқан соң, түсіндірме сөздіктен жұлдызшамен берілген сөздердің мағынасы анықталып, оқушылардың ойларымен қаншалықты сәйкес және дұрыс екендігі тексеріледі.

3.3.3.1 (Ө, Ж, Қ) Мазмұндама жазу.

Мазмұндама жазуға үйрету қадамдары көрсетіледі:

1. Оқушылардың мәтінді түсініп оқуы.

2. Мәтін мазмұны бойынша қойылған сұрақтарға оқушылардың жауап беруі.

3. Жазылуы қиын сөздерді тақтаға жазып қою.

4. Мәтін мазмұнын оқушылардың айтуы.

5. Мұғалімнің көмегімен мәтіннің жоспарын құру.

6. Оқушылардың мәтін мазмұны бойынша мазмұндама жазуы.

Оқылған мәтін бойынша бірлесіп жоспар құрылады.

Жоспар:

1.Мәншүктің өтініші.

2.Жаудың қарсы шабуылы.

3.Мәншүктің батыл қадамы.

4.Құрметті атақ.

Орындалған жұмыстар негізінде оқушылар мазмұндаманы жазады.

Бағалау дескрипторы негізінде жай қарындашпен әркім өз жұбының жұмысын тексеріп, бағалайды.

Бағалау дескрипторы:

-мәтіннің мазмұнын жоспарға сәйкес жүйелі жазады;

-мәтіндегі мәліметтерді, негізгі ойды сақтап жазады;

-қатесіз жазады.

Саралау

Оқушылар мазмұндама бойынша жіберген қате түрлеріне байланысты топқа бірігеді. Тапсырманы қатесіз орындағандар бөлек топ құрайды. Оларға өз бетінше орындауға тапсырма беріледі. Мысалы, бейнематериалды тамашалау барысында алған әсеріңді сипаттап жаз.

Қате жіберген оқушылардың қателері талданып, түзету жұмыстары жүргізіледі.

Рефлексия

-Бүгінгі сабақта қандай қызықты мәлімет алдым?

Үйге тапсырма: Дереккөздерді пайдаланып, басқа мемлекеттер мен Қазақстанда Мәншүк Мәметованың ескерткіші орнатылған қалалар, оның есімімен аталған көше аттары туралы ақпарат іздестіру, жинақтау.

Қосымша ақпарат

Саралау – оқушыларға көбірек қолдау көрсетуді қалай жоспарлайсыз? Қабілеті жоғары оқушыларға қандай тапсырмалар қоюды жоспарлап отырсыз?

Денсаулық және қауіпсіздік техникасының сақталуы

Оқушылар мазмұндама бойынша жіберген қате түрлеріне байланысты топқа бірігеді. Тапсырманы қатесіз орындағандар бөлек топ құрайды. Оларға өз бетінше орындауға тапсырма беріледі.

Қате жіберген оқушылардың қателері талданып, түзету жұмыстары жүргізіледі.

Партада дұрыс отырулары қадағаланады, көзге арналған жаттығулар жасаталады.

Сабақ бойынша рефлексия

Сабақ мақсаттары дұрыс қойылған ба?

Оқушылар оқу мақсаттарына қол жеткізді ме?

Оқу мақсаттарына қол жеткізілмесе себебі неде?

Ынтымақтастыққа қол жеткізілді ме?

Саралау бойынша жұмыстар дұрыс жүргізілді ме?

Уақыт кезеңдері дұрыс сақталды ма?

Жоспардан ауытқулар орын алды ма? Неліктен?

Қорытындылау

Қандай екі нəрсе табысты болды (оқытуды да, оқуды да ескеріңіз)?

1:

2:

Қандай екі нəрсе сабақты жақсарта алды (оқытуды да, оқуды да ескеріңіз)?

1:

2:

Сабақ барысында сынып немесе жекелеген оқушылар туралы келесі сабағымды жетілдіруге не көмектесетін білдім?