Рационал сандарды азайту. Координаталық түзуде нүктелердің арақашықтығы. Математика, 6 сынып, сабақ жоспары.

Ұзақ мерзімді жоспар бөлімі:

6.1В Рационал сандар және оларға амалдар қолдану

Мектеп:

Тараз қаласындағы физика-математика бағытындағы Назарбаев Зияткерлік мектебі

Күні:

Мұғалімнің аты-жөні: Каражигитова К.Е.

Сынып: 6

Қатысқандар саны:

Қатыспағандар саны:

Рационал сандарды азайту. Координаталық түзуде нүктелердің арақашықтығы.

6.1.2.14 Рационал сандарды азайтуды орындау

Оқушылар:

• рационал сандарды азайтып үйренеді:
• координаталық түзуде нүктелердің арақашықтығын табады.

Оқушы:

• рационал сандарға амалдар орындайды.

Оқушылар:

• рационал сандарға қосу және азайту амалдарын орындауда түсінік береді.

Пәнге қатысты лексика мен терминология:

• рационал сандар; координаталық түзу; бірлік кесінді; санақ басы;

оң бағыт; теріс бағыт.

Диалог пен жазу үшін пайдалы сөздер мен тіркестер:

• таңбасы бірдей сандарды қосу үшін … керек;
• таңбалары әртүрлі сандарды қосу үшін ... керек.

• құрмет

оқушы мен оқушы, оқушы мен мұғалім арасындағы қарым-қатынастың қатар-құрбыға деген сыйластық пен үлкенге деген ізеттіліктің негізі екендігін ұғыну;

• ынтымақтастық

жұптық жұмыста өзара ынтымақтастықта жұмыс жасау;

• ашықтық

жұппен жұмыста өз пікірін ашық айту және құрдасының пікірін тыңдай білу;

• еңбек және шығармашылық

берілген тапсырмаларды орындауда еңбек етудің маңыздылығын ұғынып, шығармашылық қабілетін шыңдау;

• өмір бойы білім алу

таңбалары әр түрлі рационал сандардың қосындысын табуды үйрену арқылы білімінің өмірлік қажеттілігін түсіне білу.

Қоршаған ортада кездесетін өлшемдері әртүрлі шамаларды есептеуде таңбалары әртүрлі сандарды қосу тақырыбында алған білімдерін қолданады. Таңбалары бірдей, таңбалары әртүрлі рационал сандарды қосу амалдарын қолдану күнделікті өмірде есептеулер жүргізу үшін маңызды және физикада, химияда, биологияда, географияда пәндерінде сандық есептеулер жүргізуге көмектеседі.

Рационал сандарды салыстыруды, координаталық түзуде кескіндеуді және координаттық түзу көмегімен қосуды біледі.

Сабақ барысы

Сабақтағы жоспарланған іс-әрекет

• Оқушылармен амандасу және сабаққа қатысып отырған оқушыларды түгелдеу.
• Топқа бөлу. Оқушыларды үш топқа бөлу. Сыныптағы барлық (ұлдар мен қыздар араласып) оқушылар боймен тұрады. 1 – ші, 2 – ші және 3 – ші деп саналып, топтар құрылады.
• Үй жұмысын тексеру. Ротация әдісі бойынша оқушылар бір – бірінің үй жұмысын тексеріп шығады.
• Қайталау сұрақтары.

Рационал сандар қалай азайтылады?

Таңбалары әр түрлі сандарды азайту қалай орындалады?

Таңбалары бірдей сандарды азайту қалай орындалады?

Координаталық түзудегі кесіндінің ұзындығын қалай табамыз?

Алдыңғы «Рационал сандарды азайту» сабағын бекіту мақсатында «Тарсия» ойынын өткізіледі.

Топтық жұмыс:

Әрбір топқа 8 үшбұрыш беріледі, үшбұрыштың қабырғаларында есеп немесе есептің жауабы болады. Есептерді шығарып, басқа үшбұрыштан жауабын іздейді. Осылайша үшбұрыштарды сәйкестендіріп фигура жасау қажет. Фигураның атын атайды. Барлық топтың болғанын күтеді.

Шыққан фигураның айналасында кейбір қабырғалардағы «есеп» пен «есептің жауабын» әрбір топтың жауабын біріктіргенде қолданамыз. Шықан фигураны атайды.

Әрбір топқа А, В, С деңгейлерінің есептері аралас берілді.

Оқушыларға сенім білдіру, олардың білімі мен тәжірибесін мойындап, оның маңызды екенін білдіру.

Бағалау:

Топтық жұмыс дұрыс орындалғанда:

1 – ші топ «Параллелограмм»,

2 – ші топ «Параллелограмм»,

3 – ші топ «Ромб» шығару қажет

Сыныппен жұмыс:

Сыныптық жұмыстың жауабы дұрыс алтыбұрыш шығару қажет.

Кейбір топ тапсырманы тез орындаған жағдайда, қосымша есеп беріледі №512, №519

Жауабын кітаптан тексереді

Сабақты қорытындылау:

• Рационал сандар қалай азайтылады?
• Таңбалары әр түрлі сандарды азайту қалай орындалады?
• Таңбалары бірдей сандарды азайту қалай орындалады?
• Координаталық түзудегі кесіндінің ұзындығын қалай табамыз?

Рефлексия:

Сабақ соңында оқушылар өздерінің көңіл-күйлері мен сабақта қатысты көңіл күйлерін көрсетеді

• Маған бәрі түсінікті, мен түсіндім!

• Менде қателіктер бар, бірақ мен қатемді түзеуге тырысамын!

• Мен ештеңе түсінбедім

.

Үй жұмысы: Өмірден рационал сандарды азайтуға 1 мысал есеп құрастыру

Саралау –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы. АКТ-мен байланыстар

Оқушылар сабақ бойы жеке және жұппен жұмыс жасайды.

Жұптық жұмыста өз-өзіне сенімсіз оқушылар анағұрлым өздеріне сенімді оқушылармен жұмыс істеу барысында, тапсырманы орындау жолдарын бақылап, үйренеді. Ашық сұрақтар беріледі, себебі білімі жоғары оқушылар оларды кең ауқымды мағынада түсінеді.

Оқушылардың тапсырмаларды орындауға және диалогтарға қаншалықты қатысатындығын бақылау жолымен бағалау.

Прогресс, жұппен жұмыс кезіндегі жауап реакциясы әр оқушының үлесін бағалау .

Жұптар бір-бірін бағалайды , яғни өзара бағалау болады және өзін-өзі бағалайды.

Сабақты бекіту кезеңінің алдында «көз жаттығуын» жасататылады.