👈 қаріп өлшемі 👉

Данияр Ақышев теңгенің құнсыздануы туралы сыбысқа жауап берді

Данияр Ақышев теңгенің құнсыздануы туралы сыбысқа жауап берді

Ұлттық Банк басшысы Данияр Ақышев теңге жақын арада құнсызданады деген сыбысқа қатысты мәлімдеме жасады. Бұл туралы КТК арнасының "Слуги народа" бағдарламасына сілтеме жасап NUR.KZ порталы хабарлайды.

Ақышев теңгенің қазіргі уақытта нығаюына не себеп болғанын түсіндірді. Оның айтуынша, теңге шетелдік валютаға деген сұраныс азайып жатқанына байланысты күш жинауда.


«Сол себепті, айырбас бағамына қатысты кез келген болжам фактіге негізделген болуы керек деп есептеймін», – дейді теңгенің құнсыздануына қатысты сыбысқа жауап берген банк басшысы.

Ақышев Ұлттық банктің ұлттық валюта бағамына ешқандай өзгеріс енгізуді жоспарлап отырмағанын алға тартты. Оның сөзіне сенсек, банк қаржы нарығын тұрақсыздандыруға әкеліп соқтыратындай еш әрекет жасамайды.

«Егер бағам өзге деңгейде болуы тиіс болса, негізделген факторлардың әсерімен біртіндеп сол деңгейге жеткізіледі. Алайда бұған қандай да бір адамның волюнтаристік шешімі немесе еркі әсер ете алмайды», – деп сендірді ол.

Ұлттық банк басшысы Ресейде девальвация болған жағдайда, қазақстандық теңге дәл солай құнсыздануға міндетті емес екенін де алға тартты.

«2017 жылы біздің мақсат 6-8% пайызды құрайды. Біз айтарлықтай қауіп-қатер көріп тұрған жоқпыз. Тек әлемдік нарықтағы жағдай күрт өзгеріп жатса ғана әсері болмақ», – деді Ақышев.


Кейінірек оқу үшін сақтап қойыңыз:


Қарап көріңіз 👇



Жаңалықтар:
» Алаяқтар IPO бойынша жалған мобильді қосымшаларды іске қосты 29.11.2022
» Айлакер-алаяқтар интернетте делдалдарды қалай және қандай мақсатпен іздейді 26.11.2022
» Түркия: Ыстанбұлда тағы жарылыс 17.11.2022

Келесі мақала, жүктелуде...
Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы