Халықтың зейнетақы қорындағы ақшасы жайлы Ұлттық банк төрағасы жақ ашпады

Халықтың зейнетақы қорындағы ақшасы жайлы Ұлттық банк төрағасы жақ ашпады

Зейнетақы қорындағы халықтың қасықтап жинаған ақшасының тағдыры жайлы бүкіл ел шулап жатса да, бір аптадан бері жақ ашпаған Ұлттық банк төрағасы кеше журналистерден әрең құтылғандай болды. Үкімет отырысынан шыққан Данияр Ақышев тілшілерді Алматыда өтетін баспасөз мәслихатына шақырумен ғана шектелді деп хабарлайды NUR.KZ, 31 арнаға сілтеме жасап.

"Ертең Алматыда арнайы баспасөз жиынын өткіземіз, сол кезде барлық сұрақтарға жауап береміз. БЖЗҚ-на қатысты мәселе бойынша жұмыс істеп жатырмыз. Ақпаратты алдымен үкімет, премьер-министр, мемлекет басшысына жеткіземіз. Содан кейін шешім қабылдап, Ұлттық банк оны жариялайды", - деген ұлттық банк төрағасынан қаумалаған тілшілер Әзірбайжан банкіне салынған 71 миллиард теңгенің тағдыры жайлы ақпарат алуға барынша тырысты.

Лифтіге әрең кірген Данияр Ақышев бұл дауға қатысты бір ауыз да пікір білдірмеді.

Айта кетейік, зейнетақы қорындағы салымшылардың 71 миллиард теңгесі Әзірбайжанның банкрот болған банкіне құйылғаны жақында анықталған болатын. Экономистер мен депутаттар қаржылық ахуалы мүшкіл банктен халықтың ай сайын аузынан жырып жинаған миллиардтары қайтпайды деп дабыл қағуда.

Мәжілісмендер ұлттық банк төрағасына сауал жолдап, ақшаны желге ұшырғандарды жазалауды талап еткен. Бүкіл елді алаңдатқан сауалдарға Данияр Ақышев ертең өтетін жиында жауап беретін сияқты.

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» 2024 жылы студенттердің стипендиясы қанша теңгеге өседі
» қазақ тілі тестілеуде_келген_сұрақтар_зерттеуші
» Наурыз мейрамы Қазақстанда жаңа форматта тойланады