Жұмбақтар жауабымен: Киіз үй

Жұмбақтар жауабымен: Киіз үй

Төбедегі көзінен,
Күн сәулесі түседі.
Бұрышы жоқ төрінен,
Самал еркін еседі.
Киіз үй

Жетпіс екі найзаны,
Біріктіріп ұстап тұр,
Ата-бабаның қай жаны,
Ие болса оған — ұшпақ бір.
Шаңырақ

Тағы киіз үй туралы жұмбақтар 

Көрсең,
Алып тор жолды парақтай,
Жайсаң,
Қатарлап сызған жолақтай.
Кереге

Қабырғасы тор көз,
Төбесінде зор көз.
Кереге; Шаңырақ

Ортасы ашық,
Шомбал төрт қазық.
Тік тұрар күн ұзын,
Екеуі тым ұзын.
Бірі — оңда.
Бірі — солда.
Қатар жатқан таласа,
Екеуінің бойы аласа.
Бірі төбемде,
Бірі еденде,
Осы төрт қазықтың,
Ішіндегі жазықтың,
Үстін жапқан шап-шағын,
Ашсаң тақтай қақпағын,
Жол береді кісіге,
Кіресің үй ішіне.
Қос жақтау; Маңдайша; Табалдырық; Есік

Тұмсығын тесіп,
Жүннен бұйда есіп.
Қазыққа байладым.
Уық

Имек бүйір ұшының,
Бұйдасы бар.
Қырлы сүйір ұшының
Ұясы бар.
Уық

Бір басы имек,
Бір басы үшкір сырық,
Қатар-қатар тұрып,
Күмбез сынды шеңберді,
Көкке тіктеп көтерді.
Уық

Тақиялы сүмбі тал тізбегі,
Ақ шапан жамылды жүн тегі.
Үзік

Ұқсайтын шеңберге
Қабырғасы жиылып, керіледі,
Жиһазы мол кең бөлме,
Төбесінен жұлдыздар көрінеді.
Киіз үй

Көзі көп қабырға,
Білінбес жамауы.
Тұмсығын шатырға,
Тығады сабауы,
Байланар ақырға,
Бұйдалы танауы.
Киіз үй

Аяғы жер тіреп,
Таяғы көк тіреп тұр.
Киіз үй

Ұшы екі айыр ақ таяқ.
Сүйеніп тұр жатпай-ақ.
Бақан

Түріліп тұрар бір басы,
Бұрышсыз үйдің мұржасы.
Түңлік

Дәу шеңбер шатырлы,
Төрт тамырлы,
Ақ жаулық жамылды.
Түңлік, оның бауы

Қабырғаның кең төрі,
Ажыратпай ұстап тұр,
Жұмыр болат шеңбері.
Белдеу

Дөңгелек үйдің,
Қара-шұбар жыланмен
Белін будым.
Белдеу

Көк тіреп тұрған,
Көп таяқты буған.
Басқұр

Даланың тайраңын,
Қаз-қатар тұрғызып,
Отыз жерден байладым.
Ши

Түбінен үзген,
Қатарлатып тізген,
Сүйрікті тұттым,
Таза ауа жұттым.
Ши

Келсең жолды ашады,
Кетсең жолды жабады.
Есік

Үйден
Ең соңынан шығатын кім?
Үйге
Ең алдымен бас тығатын кім?
Кілт

Көмейлете інді,
Сүңгітіп ем тілді.
Темір кісен діні,
Кейін қарай шегінді.
Кілт

Күзетем деп үйді,
Жұдырығын түйді.
Құлып

Қақпаның қалы,
Оның да бар Оң мен солы.
Топса

Жиегіне қағылар,
Әр есіктің қалы бар.
Ол болса қақпа да,
Ашылып-жабылар.
Топса

Төрт таяққа керілді,
Әдемі үй боп көрінді.
Шатыр


Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі