👈 қаріп өлшемі 👉

Жұмбақтар жауабымен: Киіз үй және оның жабдықтары (1)

Жұмбақтар жауабымен: Киіз үй және оның жабдықтары (1)

Үй үстінде төрт шыбық,
Төртеуі де тең шыбық.
Түндіктің төрт бауы

Ана ауылдың қойларының бәрі ала аяқ
Уық бау

Үй айнала қан төктім.
Басқұр

Ала күшік үй айнала жүгіреді,
Екі басы ішке кіреді.
Басқұр

Үйде бір жұдырық,
Сыртта бір жұдырық.
Керегенің көгі

Артыңда әкең жұдырығын түйіп тұр.
Керегенің көгі

Үйдің іші толған мыс кене.
Керегенің көгі

Былайғы елдің баласы
Ашамайын мініп тұр.
Керегенің басындағы уық

Жетпіс кемпір жер тістеп жатыр,
Алпыс кемпір ат байлап жатыр.
Кереге мен уықтар

Жүз жігіт жер тіреп жатыр.
Кереге

Алпыс атым ала аяқ,
Жетпіс атым жел аяқ.
Кереге

Ай құшақ,
Ай құшақ,
Жиылып келсем-бір құшақ.
Кереге

Қырық қой қырқылдақтан су ішіп жатыр.
Уық, шаңырақ

Біреуде қырық ұл бар,
Қырқының қырық аяғы бар.
Уық, кереге

Алтынменен аптадым,
Күміспенен күптедім.
Бірін өрге шығарып,
Бірін жерге түптедім.
Уық, кереге

Әкесі баласын көтеріп тұр,
Баласы бөркін көтеріп тұр.
Кереге, уық, шаңырақ

Отыз омыртқа,
Қырық қабырға,
Бәрін ұстап тұрған-
Ауыз омыртқа.
Уық, кереге, шаңырақ

Алпыс атым ала аяқ.
Уықтың қаламы

Қара тоқтыны қайырып соқтым.
Түндіктің ашылып, жабылуы

Қара таудың басында
Қабылан деген құс отыр.
Қанатына мұз қатып,
Қайрыла алмай ол отыр.
Түндік

Ақ итім арбадан қарғып түсті,
Барлығының басына шыққан кісі.
Түндік

Күндіз ашық,
Түнде жабық.
Түндік

Таңертең тұрдым,
Ернімді бұрдым.
Түндік

Ұзын-ұзын әулие,
Төбесін құрт жеп қойған,
Тұғыр төбе әулие.
Шаңырақ, уық

Әупірім, ала, қара құс,
Үсті-басы тарамыс.
Шаңырақ

Өзімді жас қайыңнан кесіп алды,
Белімді неше жерден тесіп алды.
Жемейді көк түтінмен ертелі-кеш,
Шықпаған шыбын жанның несі қалды.
Шаңырақ

Әлім-шәлім,
Екі байдың қызы, екі ханым,
Төрт жеңгесі бар екен,
Қызмет қылған немересі.
Бууы-бууы, буы ұзын,
Буыннан да қолы ұзын,
Аба киік терісі,
Алтын қошқар мүйізі.
Бау, құр, екі үзік, төрт туырлық, түндік, кереге, уық, киіз, шаңырақ

Алпыс терек,
Адамға керек,
Алпыс теректің бәрі-ұя,
Тұрған жері - қия.
Алпыс басты киіз үй

Бір топ құс бір қалбада арқандаулы,
Ол құстың қол-аяғы бәрі баулы.
Ішінде бірақ сұңқар, басшысы бар,
Болыпты сол сұңқарменен бәрі даулы.
Киіз үй, уық, шаңырақ

Дәудің іші өртеніп,
Көзінен бу шықты.
От жағылған киіз үй

Буын-буын қалтада,
Буы шыққан насыбай.
Мұны тапқан кісінің,
Жүз жиырма жасы бар.
Құлындары құла ала,
Құлақтары кез ала.
Киіз үй

Бір құс бар қанат жайса дөп-дөңгелек,
Адамнан ешқашанда жүрмес бөлек.
Ұшса да, қонса-дағы еркі адамда,
Жатасың ыстық болса көлеңкелеп.
Киіз үй

Қарыптары каф-дыр білсең оны,
Қанаттары қатар жатар жаны.
Сүйегі толып жатыр пара-пара,
Терісін сыдырып алса, шықпас қаны.
Киіз үй

Апан-апанды көрдім,
Жаман шапанды көрдім,
Алпыс аяқтыны көрдім,
Адам жұтқанды көрдім.
Киіз үй

Айдалада атамның үлкен тақиясы түсіп қалыпты.
Киіз үй

Тұрады жетпіс кемпір жерді басып,
Баласын арқасына арқаласып,
Рахмет ол баланың атасына,
Баласын бағып отыр қолмен басып.
Киіз үй

Ол не екен аузы үңгірдей, қырық қолы,
Адамды тірі жұтты көрдік оны.
Терісін сыпырып ал, тамбас қаны,
Сүйегі салдырап тұр, жоқ қой жаны.
Киіз үй

Төрт қарны бар,
Бір аузы бар.
Үй

Басы жоқ төрт аяқты жансыз бір зат,
Құлағы жоқ, көзі жоқ бейне ол ат.
Жүк артсаң белі тағы майыспайды,
Құйрық-жалсыз ол неткен меңіреу зат?
Үстел

Көзi көп қабырға,
Бiлiнбес жамауы.
Тұмсығын шатырға
Тығады сабауы,
Байланар ақырға,
Бұйдалы танауы.
Киiз үй

Ұқсайтын шеңберге
Қабырғасы жиылып, керiледi.
Жиһазы мол кең бөлме,
Төбесiнен жұлдыздар көрiнедi.
Киiз үй

Жүз мүйізі бар,
Үстінде киізі бар.
Киіз үй

Аяғы жер тiреп,
Таяғы көк тiреп тұр.
Киiз үй

Кейінірек оқу үшін сақтап қойыңыз:


Қарап көріңіз 👇



Жаңалықтар:
» «Елімізде ескі несиелер кешіріледі»: министрлік өзгерістерді түсіндірді. 27.07.2022
» Кәрім Мәсімовтың шетелдегі 3 млн доллары елге қайтарылды 19.07.2022
» Түркістандық өртеніп жатқан ғимараттың төбесінен туды алып шықты 19.07.2022

Келесі мақала, жүктелуде...
Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы