Адам туралы  ✍️

Ілмек бойынша іздеу:

Басқа: 7
Мақал-мәтелдер: 546
Жұмбақтар: 26
Тақпақтар: 9
Өлеңдер: 477
Жаңылтпаштар: 9
Нақыл сөздер: 748
Туындылар: 6
Әңгімелер: 56
Ертегілер: 7
Поэмалар: 4
Шығармалар: 9
Анекдот, әзілдер: 5
Аңыздар: 2
Эсселер: 6

Жасы бір құрдас емес,
Заманы бір құрдас.
Арман адамға қанат.
Ақылсыз адам "менмен" келер,
Ақылды адам - кеңінен келер.
Мың адам салған көпірді,
Бір адам бұзады,
Бір адамның жаққан отына,
Он адам жылынады.
Су да төмен қарай ағады,
Кішіпейілдік адамға жағады.
Адамдықтан үлкен ат жоқ,
Наннан үлкен ас жоқ.
Адамды арман қосады,
Алғашқы дәрмен қосады.
Сыпайыны арығында бақ.
Болар адам жеті жастан бас болар,
Болмас адам қырыққа келсе де жас болар.
Атаңның баласы болма,
Адамның баласы бол.
Ақ жүрген адам азбас.
Адам болатын бала
Алысқа қарайды.
Аты-тоны бар кісіде,
Әзіретәлінің күші бар.
Өзі отырған адам,
Келгенге орын берер.
Екі кісі қағысса,
Бір кісілік орын бар.
Құнты жоқ кісі,
Көсеумен қамшылар.
Бізде кісі болармыз,
Атқа кісен салармыз.
Кісі болар баланың
Кісесінен белгілі.
Ат болатын құлынның
Мүшесінен белгілі.
Кісінің көзіне көзің түссе,
Көңілі жібіп, мейірі түсер.
Білген адам тауып айтады,
Білмеген адам қауып айтады.
Кісі болар баланың
Кісіменен ісі бар.
Кісі болмас баланың,
Кісіменен несі бар.
Адал адамның аты арып,
Тоны тозбас.
Әдептілік ар-ұят -
Адамдықтың белгісі,
Тұрпайы мінез, тағы, жат -
Надандықтың белгісі.
Әрі жат, бері жат -
Төсек тарлығы.
Сенікі-менікі -
Көңіл тарлығы.
Ақылың болса арыңды сақта,
Ар-ұят керек әр уақытта.