Ошақ туралы Жұмбақтар ✍️

Ілмек бойынша іздеу:

Әкесі баласын көтеріп тұрады.

Жауабы: Қазан, ошақ

Қозғалмайды, үш аяқпен тұрады,
Ауыл көшсе, шаңырақта тұрады.

Жауабы: Ошақ

Боп, боп, бопылдақ,
Бопылдақ үсті үш тармақ.
Үш тармақта соқыр шақ,
Соқыр шақ үсті жез қармақ.

Жауабы: Күл, ошақ, қазан, тамақ,шөміш

Бап, бап, бапанақ,
Бапанақ үсті арғымақ.
Арғымақ үсті қызыл тақ,
Қызыл тақ үсті қу шұнақ.

Жауабы: Қазан, ошақ, от

Болғанда қиған қалпақ, қырсау құрық,
Қазан, ошақ, оМінгені үш аяқты қызыл жүйрік.

Жауабы: Қазан, ошақ, от

Басына қара таудың бітер қорған,
Онда жоқ бекітерге айыл-тұрман,
Қасына төрт нөкерін ертіп алып,
Үстіне қайырлы бай мініп тұрған.

Жауабы:..

Бар екен арасанның үш төресі,
Жайлауы бір апанның кенересі.
Асты зерден болғанда, үсті балдан,
Адамзаттың ойласақ неменесі!

Жауабы: Қазан, ошақ

Қара тайым мықты,
Қара бием сүтті.

Жауабы: Қазан, ошақ

Үш адам қара киген қарағымды,
Бар еді үшеуінің арғымағы.
Үшеуі үш жағынан қарғыса да,
Жетпейді адым жерге қарғығаны.

Жауабы: Қазан, ошақ

Үш аяғы үш жақта,
Төрт құлағы қалқиған.
Ретін таппай жұмсаса,
Ыңғайына жантиған.

Жауабы: Темір ошақ

Үш атқа мінгесіп тұр жанғыз көрдім,
Соларға тамаша етіп қарап тұрдым.
Жандыны жансызбенен күрестіріп,
Жансызды бір уақытта алып ұрдым.

Жауабы:..