Өлеңдер ✍️
Өлеңдер ✍️
12.09.2022
76
ШАЙ ҮКІРДАЙҒА
Ол рас сөктің мені Үкірдай шай,
Әр істің мәнісі бар емес қой жай.
Баланы жастан, әйелді бастан деген,
Көненің айтып кеткен сөзі қалай.
Мұқашжан ерте тұрып жылқы жыйды,
Бұл жұмыс өз көңіліме кәміл сыйды.
Бүгін – бай, ертең – кедей уақыт жетсе,
Еңбекпенен тағамын тауып жейді.
Сынаптай сырғымалы заман сыйқы,
Адамды аздырады артық ұйқы.
Арымас ат, тозбас тон, еңбек-білім,
Басқасының болады түбі шүйкі
Әлеуметтік желілерде бөлісіңіз:
Facebook | VK | WhatsApp | Telegram | Twitter