Өлеңдер ✍️

Әнге қоссам Алтайды,
қолда бақыт,
Шапқылатып, желдіртіп, жорғалатып.
Көлбей жүзіп мұхиттың көк төсінде,
Мұзтау тұрған сияқты зорға батып.
Күзі қандай тауымның, жазы қандай,
Қысы қандай, көктемі саз ұрандай!
Шөбін тартсаң, түгінен май шығады,
Қойнау толы, Төр Алтай, қазынаң бай.
Шың-құзынан сағымдай сыр аунайды,
Құсы қимай қоштасып тыраулайды.
Туған жердің өзіне тартқан білем,
Адамдары Алтайдың бір аумайды