Өлеңдер ✍️
Өлеңдер ✍️
31.08.2022
53
Жалғыз сен бе, бауырым...
Жалғыз сен бе, бауырым,
Жер бетінде сенделген,
Жалғыздықпен ауырып,
Сағынышпен емделген.
Тірілетін күнде өліп,
Жалғыз сен бе – жас ұлан –
Ғашықтыққа құл болып,
Айырылған басынан.
Жалғыз сен бе – ойлы жан –
Тасқында тал қармаған,
Шәрбат ішіп қайғыдан,
Мұңнан мейіз талмаған.
Бір қарап қой артыңа,
Біз де сендей болғанбыз.
Жетпей өмір нарқына
Шығып қалдық жолдан біз.
Әлеуметтік желілерде бөлісіңіз:
Facebook | VK | WhatsApp | Telegram | Twitter