Өлеңдер ✍️
  24.07.2022
  97

Автор: Төлеген Жанғалиев

Қайран менің, қайраулы қызыл тілім …

Дауыл іздеп тұратын ақ құйынды,
Дала көңіл жүрегім сап тиылды.
Жырларым да жылбысқы мінез тапқан,
Жынын алған бақсыдай тап бүгінгі!
Қан шығарып беттердің ұятынан,
Уыт сыққан улы адам ызасынан.
Қайран менің қайраулы қызыл тілім,
Қындағы қылыш құсап жуасыған.
Оқтаулы сөз айтылмай көмейдегі,
Оқтау жұтқан ойымды көгендеді.
Әй, тәйір-ай, жаздым не, жазбадым не,
Өр мінезім өлген соң өлеңдегі.


  қызыл тіл Төлеген Жанғалиев Төлеген Жанғалиев өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Анау да ақын, бүгінде мынау да ақын... ᐈ
  Құдай маған бір сәтке құқын берсе... ᐈ
  Көп досымның бүгінде бірі – көрде... ᐈ
  “Кемелі жоқ көп шуылдақ” ішінде ᐈ
  Жағымызды суалдырып ет қашты.... ᐈ

Пікір жазу