Өлеңдер ✍️
Өлеңдер ✍️
16.07.2022
66
Жүзеге аспай көп арман
Жүзеге аспай көп арман
Су бетінде жоғалған
Із сияқты.
Құласа да көшкіні,
Селт етпеген ешбірі
Құз сияқты.
Тұла бойың мұздаған,
Балтырларың сыздаған
Күз сияқты.
Жөтел келіп тамаққа,
Қырау тұрған қабаққа
Мұз сияқты.
Біреу тұрса күрсініп,
Қылымсиды тіршілік
Қыз сияқты.
Сырқат болса заманың,
Піскілейді нала-мұң
Біз сияқты.
Жараны кім қасиды?
Ішің удай ашиды
Тұз сияқты.
Әлеуметтік желілерде бөлісіңіз:
Facebook | VK | WhatsApp | Telegram | Twitter