Өлеңдер ✍️
Өлеңдер ✍️
16.07.2022
67
Бір кездегі еркін, сал...
Бір кездегі еркін, сал,
Жасы жеткен кемпір-шал
Хақтан медет тілейді,
Күні тақау жер құшар.
Елден иман кеткенде,
Ұялар деп көп пенде,
Сүйсінеді күн нұрын
Елжіретіп төккенде.
Күн ұяға батқанда,
Төсегіне жатқанда,
Тілеуі сол:
«Ұрпағы
Ұрынбасын қақпанға».
Желден бұлттар қашқанда,
Есікті ұры ашқанда,
«Жазалар деп Жаратқан!» –
Телміреді аспанға.
Әлеуметтік желілерде бөлісіңіз:
Facebook | VK | WhatsApp | Telegram | Twitter