Өлеңдер ✍️

Жалғыздық,
маған сен аштың,
құдайға барар қақпаны,
өзіңмен ғана санастым,
ес біліп, етек жапқалы.
Жалғыздық,
сенің барыңда,
жалғыздығымды сезбедім,
қалмағанда ешкім жанымда,
сен ғана менен безбедің.
Ел-жұртпыз деген адамдар,
жалғызсырап жүр бәрі де,
шаншыса жүрек не амал бар,
жарайтын сенсің дәріге.
Құшағыңа кеп құладым
қашқанда жауыз жалғаннан,
құтқар деп сенен сұрадым,
мақтамен бауыздалғаннан.
Төбемнен міне тау құлап,
тас түнек басты әлемді,
қарақат көзің жаудырап,
Жалғыздық,
жалғыз қал енді!..