Өлеңдер ✍️

Жамгырын эстегенде жашыл жаздын,
Качанкы эски жомок кайра уланып...
59
Кайрылып келем сага алыс жактан
Кетсе да дайра болуп ай, жыл агып.
Сен мага жолукчудай сезилесиң
Өмүрдүн өткөн жазын кайрып алып.
Мен сени жазып кирем кайра баштан
Мезгилдин барактарын айрып алып.
Жамгырын эстегенде жашыл жаздын,
Бир өксүү калат менден бөлүнө албай,
Мен сени издей баштайм көп ичинен
Окшотуп... Кээ бирөөдөн көзүмө албай.
Самсаалап сагынычтын булуттары
Көчүшөт нөшөр болуп төгүлө албай.
Мен сага келбес жактан келем кайтып
Жашоодо жүргөн үчүн кезиге албай.