Өлеңдер ✍️

Мен сага качандыр бир жолугам деп,
Күтүп эңсеп келгемин.
Чеги жок үмүттөргө моюн сунуп
Чарчоо барын сезбедим.
Жамгырым деңиз болду төгө берип...
Жазыксыз айлар келет тегеренип.
Сезбепмин татаалдыгын турмушумдун,
Кыял коштоп бүтүп күн.
Жазга түгөй жан элең, калдың кайда?
Үнүн укпайм күкүктүн...
Өмүрдүн кайталанар жазы барбы,
Жылдарды шамал айдап кайырабы?
Куралат түрмөк булут көз жашымдан,
Ичке катам кайгымды.
Кайчылаш жолдор күтөт, кездешүү жок
Кимден сурайм дайыныңды?
Сен тагдыр, касиеттүү күнгө табын,
Сездирген кереметтүү дүйнө барын!