Баталар ✍️

Кәнекей бата берейін,
Қолдарыңды жайыңдар.
Үстем болсын мерейің,
Әр күннен бақыт табыңдар!
Жетінші мамыр бүгінгі,
Жақсылыққа бастасын.
Отан қорғаушы ұландар,
Қиындықта саспасын!
Жүздерінде батылдық,
Ел үмітін ақтасын.
Жүрегінде батырлық,
Өз-өздерін баптасын!
Жаратқаным жар болып,
Елімізді сақтасын!
Отан қорғаушы ұландар,
Биік самғар қырандар!
Қанаттарың талмасын!
Жұмыстарың мәнді боп,
Өмірлерің сәнді боп,
Бұл өмір тапсын жалғасын!
Жібек Искакова