Өлеңдер ✍️

Армысыздар жамағат,
Сәлем бердім сіздерге.
Көктемнің бұл байқауы,
Келіп жеткен біздерге.

Гүл көктемдей құлпырған,
Арулармыз мына біз.
Жанарында сыр тұнған,
Ару қыздар мына біз.

Мен боламын шырайлы,
Шымкенттің бір қызы.
Асқарқызы Арайлым,
Тамыр жайған гүл қызы.

Салтан менің анашым,
Мейрімдікке бастайтын.
Кіші жүздің қызымын,
Қиындықтан саспайтын.

Бұл көктемнің аруы,
Болу үшін келгенмін.
Маржан сөзді әспеттеп,
Теру үшін келгенмін.
Өнерлі жан атанып,
Жеңу үшін келгенмін.