👈 қаріп өлшемі 👉

  Өлеңдер ✍️

  14.09.2021
  50


Автор: Еркін Оралбай

МЕН ҚАЗАҚПЫН!!!

Мен қазақпын!
Көп емес, он бес миллион азақпын,
Бодандықтан құтылғанмын, азатпын.
Қиын-қыстау заманнан да өткенмін,
Бəрін көргем қуғын-сүргін азаптың.

Мен қазақпын!
Отырармын, Яссы, Сайрам, Созақпын,
Арқасы бар аруақ десе қозатын.
Қорғау үшін туған жерді алысып,
Талай соғыс отын кешкем тозақтың.

Мен қазақпын!
Ұлы Абаймын, кемеңгермін озатпын,
Құлагермін, сан бəйгеде озатын.
Тасқа салсаң жүзі қайтпас алмаспын,
Темір емес тот басатын, тозатын.

Мен қазақпын!
Шахановпын, ащы шындық жазатын,
Кері кетіп, рухани кейде азатын.
Ұсақталып кететұғын кезім бар,
Бəле іздеп, тырнақ астын қазатын.

Мен қазақпын!
Арым биік мөлдір судай таза-ақпын,
Есалаң Боратқа болған мазақпын.
Күйеу бала жасап алған қытайдан,
Қайда кеткен өр намысы қазақтың?


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы