Өлеңдер ✍️

(Әзіл сөз)

Ағаңнан ілтимас сөз, інім Сақи,
Ерде бар кездескенде ердің ақи.
Шаппамның басы босап, тыңдамайды,
Түзеліп бұрынғыдай десем қақи.
Бекітіп бере қойсаң мұның миын,
Басыңда бақ, дәулетің болсаң бақи.
Тұрарлық еш нәрсеге болмағанмен,
Өзіме тиетұғын көп еді нақый.
Отырмын "ондар" деген ойым болып,
Көп қинап қылмаған соң бұран зақи25.
Қайтемін кек тұтынып, кетемін де,
"Кетенің керек емес, - десең, - кәпи!"

1929.